Como saben algúns, ademais de ser propietario de Mr Turismo, tamén son socio do proxecto BenBo, revista e medio de comunicación gastronómico que fai uns 4 meses viu a luz en Galicia. Cando deseñamos a estratexia de social media do proxecto BenBo, chegamos á conclusión, entre outras moitas cousas, de que a mesma pasaba por Twiter como canle principal en redes e o e-mail marketing como canle de fidelización cara aos nosos usuarios afíns ao que no mundo da gastronomía galega cócese.
Cando imprimimos a nosa primeira revista e empezamos a facer o reparto polos nosos heroes suscriptores, un bo día polo twiter, un suscriptor comentou que ao chegarlle a revista, desgraciadamente chegoulle rota. Ata dixo algo así como que para o que cobrabamos non era de recibo que chegase rota, adxuntando, como non podía ser doutro xeito, a correspondente foto que certificaba tal afirmación.
Cando vin o comentario, téñolles que recoñecer que non me gustou. Non comprendía porqué unha cousa tan simple facíase pública dese xeito. Con que este señor nos chamara, no momento sería reposta. Consideraba innecesario e sobre todo un golpe baixo, que o meu cliente actuase así.
Pois ben, o que nos pareceu negativo no seu momento, o xestionamos creo que con mesura. Dixémoslle que a revista estaba garantida. No mesmo tweet contestámoslle ao momento que en menos de 48 horas repoñiámoslla sen nengún problema . Todo isto en aberto polo twitter.
Ao cabo duns días, o cliente cando recibiu a revista en perfecto estado, do mesma xeito que se molestou cando chegou rota, motivouse en darnos todos os eloxios pola nosa profesionalidade, pola calidade da revista e o servizo postventa en público, polo mesmo canle: twitter.
Algúns lle chaman xestión do cliente. Digamos que positivizamos unha situación adversa. Convertemos un cliente insatisfeito nun prescriptor incondicional. As redes ensínannos a ser honestos, moderados e intelixentes. Case na!!!!!.
