O que pega primeiro pega dúas veces. Axioma número un para a vida, e para o marketing. Booking é un claro expoñente. Alá por finais dos 90, este monstro da reserva en liña hotelera saíu ao mercado. Paralelo á incidencia de internet no mundo do Turismo, Booking foi dando seguridade á compra hoteleira en liña, con prezos competitivos, con opinións de usuarios que realmente gozaron dos hoteis que reservaron, fácil uso, información clara, versatilidade e un longo etcétera, os fai grandes.
Durante moitos anos, e agora moito máis, canseime de ver a hoteleiros recoñecer a súa forza de vendas, a seu poderío no mercado, ata o punto de chegar a dicir que contra Booking non se pode loitar. Ou estás con eles ou estás fóra. E xa sabemos o segundo axioma: o que vende, manda. Venden porque o fan de cine. Agora sumen, que é o mellor cliente de Google, o Deus Google, e temos o combinado perfeto. Estou case seguro, que si pinchan “hoteis en Chandrexa da Queixa”, non dubiden que o primeiro será Booking en saír.
Con estas premisas volvemos preguntar, pódese loitar contra Booking?. Pois sinceramente, a miña resposta é que non e ademais, non se debe. Como PYME ou como gran empresa, non se debe pelexar contra eles. Non se pode obviar o mercado, e menos con clientes fidelizados e afeitos a que o seu cerebro asocie reserva hoteleira=Booking. Agora ben, as preguntas que habería que facerse é: Vale a pena, intentar conseguir que me entren reservas na miña web directamente? É bo acomodarse, deixarse levar polo fácil, e que Booking sexa o 90% da facturación como ocorre en máis dos casos que creemos?
Claro que hai que estar en Booking, é un amigo e un aliado, non un inimigo. Pero non llo deamos todo…que che devora!!!. Cando dependes de alguén tanto, si diche cousiñas como: ou me pagas máis ou me piro, farache tremer. Pensa en que esforzos debes de facer para que entren directamente as reservas ás nosas webs e o diñeiro que podemos aforrarnos en comisións. Fagamos números e digamos: si invisto un diñeiro X, e as miñas vendas directas pasan do 0,3% ao 15%, aforreime unha pasta en comisións e o investido pois iso…é investimento e non gasto.
Vaiamos a modelos de xestión que aposten por unha boa política de posicionamiento natural ou de pago en buscadores, apostemos por ter unha boa web do noso hotel, fidelizemos aos clientes que recibamos, veñan por booking ou non, e verán como durmirán máis tranquilos sen ser bookingdependentes. Non nos acomodemos, non vaia a ser que logo nos arrepintamos.
En cuestións hoteleiras, teñan coidado que sempre cha poden xogar. Pódelo comprobar neste curto e divertido video.